| تبليغات | X |
|
پارام پارچا اورگلرده اوتوروسا – دينمه يه جك آغلاياجاق – يا گوله جك! قوللاريندان گوجونو ده آلانلارين – اللريني اوپه جكدير! سئومه دييي اينسانلاري سئوه جكدير. اونون جورمو موكافاتلي نييه كي او – دووارلاري جيزيق – جيزيق اينانميشدي! قهرمانلار اوجاغيندان سو ايچميشدي. گوزلريني باغلايانلار آغلاميشلار. الينده كي بايراقادا گوه نميشدي. پارام – پارچا اورگلرده اوتورورسا – دينمه يه جك آغلاياجاق - گولمه يه جك. ملك ممد – جوشقون آراز – توپراق سئوه ن – قاچاق دوشه ن – بابك ساياق شاه ايسماعيل آت شرمه خط كبريتي آت! -: من جاللادام سنده اوغرو. سويله وزير ! جورمو ندير؟ دووارلارا نه يازميشدير؟ هامي بيلير ! دئمه – دئمه! بوينونو وير! گؤزونو اوي! قبريني قاز! ****** ساواشلاردا قوجاقلاماز آناسيني مرد اوغلودور! ****** گيزلان – پاچ اويناما! من قورخورام سنين گيزلي يئريني ارباب تاپا! باغيشلايين ! ايكي قيرانليق وارينيزدي سئوگيمه بير تئلفون آچام؟! باغيشلايين! مه يه ر اؤلوم قاش – قاباقلي بير شي دئييل؟ بوينونداكي اوزلويونو ساتماياجاق اؤزگه لره ! ****** پارام – پارچا! قارا باليق يوخوسوندا تور آتانلار گمي – گمي باليقلاري آپارانلار! گئديرسه او دنيزلرده ن باش چيخاريب باغيراجاق! اوزوندو يول ! ياخشي بودور ياري – يولدان قاييتماسين! اؤزلويونو – اؤزگه له ره او ساتماسين ! طياره لر باخيشيندا او بير ميلچك! يا قاريشقا! يا بير عسگر ! الي يالين ! سيلاحيني دوشمن آلميش! قوللارينا زنجير سالميش! آناسينين گؤزلري ده يولدا قالميش! ***** آدديم آتما! قيرخ اوغرودان قوخماياجاق! يول نه قده ر اوزون اولسا! داليسييجا باخماياجاق! قاچاق دوشموش بير نبي تك اؤز ائليني ترك ائده جك! مور داغلاردا ساواشاجاق! سن سوسماسان ائلده سوسماز! يول قاريشماز! ***** پارام – پارچا اورگلرده قازديراجاق بير ايناملي قايدالي سؤز -: باغيشلايين دؤزه نمه ديم يابانجيلار هوجومونا! باغيشلايين تئلفون آچسام قورخورام كي سئوگيم اوزاق دوشمه ييمه اينانمايا! يادا باغري تئز چاتتلايا! ***** -: مرحبا دوست! -: بو ئيرين آدي ندير!؟ باشچيلاري كيمله رديلر؟! -: بو آغاجين باشينداكي قانلي باشلي ! قاش – قاباقلي اوغلان كيمدير؟! جورمو ندير ؟! نه دينده دير!؟ سؤز – سئوالي؟! باغيشلايين ! جانتامداكي پورتره ني گؤروبسونوز؟! ترن آلتيندا قالان بارماقلاري ! آج قارنيني! توخ گؤزونو؟! هي! اودلار ايچرينده يانمايان دلي! سئوينمه يي كيمده ن ديله نيبسه ن ؟! الينده كي ا وره ييني نئجه دولانديريرسان كوچه – كوچه ! شهر – شهر؟! قايالاردا بير ائلين آغلار سسي! بير ايييدين اؤلومو! توفنگي هله چيينينده! پارام – پارچا اوره گلرده قازديراجاق سئوگي سؤزون! كيمسه هئچ دئمه دي بير بئله دؤزون! گلسينلر ! وورسونلار! آپارسينلار! باغيشلايين! بو پارچالانميش اوره ك نده ن دينمه يير؟! نده ن دانيشمير؟!
|
About
منیم شعرلریم
Home
|
