باخيرديم يولا، دوشموش يوللارا! بير دلي كيمي!

دئييرديم دلي! گئديرسه‎ن هارا؟ بير دلي كيمي!

باخيرديم يولا! اوْ گئديشيندن يالنيز ايز قاليب!

دئمه‎لي دوشوب سورگونلو قارا! بير دلي كيمي!

سانيرديم گله‎ر، قاييدار گله‎ر ، قالانماز اوْردا!

دئميشدي گئده‎رم ! اوْلسام آوارا، بير دلي كيمي!

نئجه گئتمه‎يي ياديما گلير! بير يوخو كيمي!

دئميشدي گئديره‎م ، ساچيمي دارا بير دلي كيمي!

گئتمه‎يين يوخو! گلمه‎يين يوخو! بو سوْن گونلرده!

باخيرام ايندي من! داما- دووارا! بير دلي كيمي!

اولوبدور ايندي ساچلاريم دن – دن ، دئييره‎م دا گل!

سنسيز ايندي من ، گلميشه‎م زارا! بير دلي كيمي!

باخيرام يوْلا! اوزون بير يوْلدور! گؤز ايشله‎ديگجه!

دئييره‎م دلي! گئديرسن هارا ؟! بير دلي كيمي؟!