| تبليغات | X |
|
Topraq qonaqların bekliyor! Bende seni
http://www.sevgitreni.com/yazilar2.php?kategori=1&s=0&yid=90 hoşcakal
ان گؤزهل شعرلريمي سنين اوچون ساخلاميشام اورهيينه گول اكهن مرمي، منه دئدي : من پاييزام ، يادا قيشام! اللريم بوم ساخلاميشام! سن گلهسن گؤزلرينين اوْجاغيندا من قيزيشام! ان گؤزهل داراقلاري ساچلارينا قازانميشام! منده ائله سنين اوچون قارا بختلي يارانميشام! سن ! اؤلهسن! قاش – قاباقلي ، خياوانلار قيراغيندا! گؤزونده قان! منده سنه، آخ …… ، دئميرهم! من ائله بير قارا قوشام! قانادلاريم گؤلگهسينده قوْرخوسندان هئچ كيم ياتماز! تئللريمي هئچ بازارچي ، قوْرخوسوندان پولا ساتماز! آما سنين اؤلومونده ! قانادلاريم كولگهسيني حيس ائلهديم! بو يوْرقونلوق ! بو ديدهرگين، بو كيمسهسيز، مني آتماز! ×××× ان اوْتومات سيلاحلاري سنين اوچون آلميشديلار! اؤلدورسونلهر ، يا دا يوخ… بو آنلامدا قالميشدلار! آخي سنده اوْ دانيشان كلمهلرله دانيشيردين! بير گونشين ايشيقييلا گؤرونوردون ! قيزيشيردين! آما امر ائلهين، دؤزمهميشدي! امر ائتميشدي! ×××× باغيشلا دوستوم! ان گؤزهل سير داشيني ديليم اوچون قازديرميشام! من قارقيشام! قارا قيشام!
اللریمده سیزلاییر سازین تئللری
سارالاری آپاریر آراز سئللری داغی داشی دولانیب آغلییرام یئنه " کیم سالیب چوله بیزیم ائللری؟"
اللریمی سنه ساری اوزالتمیشدیم
کوچه لرین بوز باغلامیش صیفتینده دوداقلاریم اودلانیردی! دئدیم:" سئــــــودا" گوزلرینده آینا بیتدی! دوداقلاریندان یول آچیلدی! اوره ییمین طوفان آلان دونگه سینه گوچه ن زامان: " عزیزیه م یارا باخ! داغدان آشان قارا باخ! منی گورسن آسیلی زولفون اوسته دارا باخ!" ۱۳۷۳
توْرياقدان قازديلار بيزي آلوْودان بئزارلاديق آنليميزدا، جيزيق-جيزيق فلكين دار گونونه يازديلار بيزي سؤيلهديك يئتيمليك چتيندير بيزه يئرلرده سوروندوك ، آغلاديق گؤز-گؤزه! ديز دئديلر سوسمايين، باغيرين! بوْمبا كيمي پارتلايين، داغيلين! سوگونلوك گونلريزه گولمهيين آغلايين! گزديرين اورهك قوشونوزو آياق – يالين! توْرپاقدان قازديلار بيزي! سينهميز گوللهلي بئنيمزده أيلهنميش بير دلي توْرپاقدان اوْنلارين نه قاشلاري، نه گؤزلري هله بو دلي، السيز – آياقسيز دوْلانميش بوْش – بوْشونا داغلارين سؤيكنميش دؤشونو! توْرپاقدان قازديلار بيزي! اعتراض ائتمهديك! ايستهر – ايستهمز باش أيديك! وارليغين اتهيينده گؤيهرن گوله! كئفلي – كئفلي يازماديق گولون عشقيني دلي بولبوله! بير آنا وئرديلر! بير آتا بيزه! نئچه قارداش ، يادا بير باجي! آنليميزدا يازيلان طالعلر آجي! دوْداقدا گؤيهرن شيرينلر آجي! آجيلار آجي! توْرپاقلار آجي! قارداشلار آجي! باجيلار آجي! آليش وئريش بازاري شيرين! دوْغرولار آجي! يوْلداشلار آجي! اوْغرولار آجي! توْرپاقين اتهيين اؤپهن بيز اوْلدوق! يوْللارين كروانينا كيچيك بير ايز اوْلدوق! گلديلر سيزلاديق، كار اوْلموش قولاقلارا! ائله بيل فلك كئچيرميش بودار كوچهدهن! بيز يم دردلهري بيلمهدي ندهن! توْرپاقدان قازديلار بيزي! آناميز ياساق بسلهدي! ياساقدا بير عسگر! عسگرده ألي گوجونو قوروتموش! بئينيده چوْخ قالين! بايراقيميز قان! چيرپينان قوشلارين اورهيي تك! اوسانميش! بو ائللرين قايناغلي چاغيندان! آغري دوْلوب! باسقين ائديب! كيمسه قالماييب بو توْپراقيندان! 20/11/80
بالتالارين يوخوسوندان اويان دئديم! اوياندين!؟ اورماندان آيريلان زامان دايان دئديم ! داياندين!؟ تانريلاري تولازلادين بالتالارين اولچوسونه! بو يالانچي تانريلاردان اوسان دئديم! اوساندين!؟ هيريلدادي بالتا ويران ، قول قانادين دوشدو يئره! چات عاشيق اوزون تامارزيلار جرگهسيندهن اوزاقلادار! جنوندا ياندير اوزونو تالان دئديم! تالاندين!؟ گولومسهدين يالانلارا، يوخسا مندهن اوتور قاليب! منده منيمده قالماييب! اينان دئديم! ايناندين!؟ گولومسهدين سن يئنيدهن! من دايانديم ، سن گئتدين! اللريني فاش ائتمهدين! نه دانيشدين نه داندين! اوباميزدا قيرميزي گول! دوز دانشيب قيرميزي گول! حقيقتين معناسيني قازان دئديم ، قازاندين!؟
عشقين يئكه بير ياغييدي ، منده اونون كال آلماسي سن باهارين قئيلان قوشو ، من پاييزين سارالماسي
باخیریدیم یولا دوشموش یوللارا! بیر دلی کیمی! دئییردیم دلی گئدیرسن هارا بیر دلی کیمی باخیردیم یولا یالنیز او گئدیشده ن بیر ایز قالیب! دئمه لی دوشوب سورگونلو قارا بیر دلی کیمی سانیردیم گله ر قاییدار گله ر قالانماز اوردا! دئمیشدی گئده رم اولسام آورا بیر دلی کیمی نئجه گئتمه یی یادیما گلیر بیر یوخو کیمی! دئمیشدی گئدیره م ساچیمی دارا بیر دلی کیمی گئتمه یین یوخو گلمه یین یوخو بو سون گونلرده! باخیرام ایندی داما دووارا بیر دلی کیمی اولوبدور داها ساچلاریم دن دن دئییره م دا گل! سنسیز ایندی من گلمیشه م زارا بیر دلی کیمی باخیرام یولا اوزون بیر یولدور تا گوز ایشله ییر دئییره م دلی گئدیرسه ن هارا بیر دلی کیمی
سنی تانریم یارادیب
گوزلرین یاشلی گولونده. شرمه - خط اتماغا بنزیر سنی دونیایه جالاتماخ! |
About
منیم شعرلریم
Home
|
